ABOUT US

a       Istoria Escola Instituto Profissional de Canossa

Bazeia ba inisiativa no vontade diak nebe iha hodi dedika an no kontribui iha área edukasaun, mak Provínsia Canossina Timor-Leste no Indonézia forma komisaun Ad Hoc ida hodi aprezenta karta pedido atu loke Instituto Profissional ida. Karta ne’e rasik hato’o iha loron 18 fulan Maio tinan 2003 no dirije ba Sua Exª Ministro Edukasaun no Kultura Timor-Leste nian ne’ebe iha altura neba mak Dr Armindo Maia no Direktur Ensino Superior mak Dr Justino Guterres. Komisaun AD HOC ida ne’e kompostu husi Madre Canossina nain lima mak hanesan:

Ø  Me. Violeta San Miguel, FdCC

Ø  Me. Ana Florinda Guterres, FdCC

Ø  Me. Lúcia de Deus, FdCC

Ø  Me. Guilhermina Marçal, FdCC

Ø  Me. Helena Branca, FdCC

Pedidu ida ne’e hetan mos legalidade asinatura husi Me. Rosa Sarmento, FdCC ne’ebé iha momentu neba asumi kna’ar nudar Provinsial Timor-Leste no Indonézia. Instuto Canossa ida mak nudar instituisaun ensino ida ne’ebe oferese kursu Bacharelato ne’ebe hari lolos iha loron 10 fulan Setembro tinan 2003, nudar komitmentu ida husi Congregação Canossiana Timor-Leste hodi kontribui ba prosesu formasaun no edukasaun foinsae Timor nudar nasaun ida ne’ebe foin mak ukun an iha époka miléniu datoluk ne’e. Ba ida ne’e Kongregasaun Canossiana hatur iha nia kba’as todan ba responsabilidade ida ne’e hodi forma no eduka ema Timor oan sira atu sira prontu hodi hatan ba nesesidade merkadu nian iha era globalizasaun ida ne’e. Instituto Profissional de Canossa nebe koñesidu ho naran IPDC, oferese ba foinsae sira ne’ebe akaba ona sira nia estudu iha nível sekundária atu bele hasai sira nia espesialidade iha área Téknika Komputadór no Jestaun Administrativa.

b  Vizaun

IPDC hetan Inspirasaun husi Karizma Santa Madalena de Canossa nian, nune’e IPDC afirma nia vizaun katak: “hasae tan integridade no dezenvolvimentu ne’ebe armonia ba estudante universitáriu feto no mane sira nia responsabilidade atu nune’e sira bele dezenvolve an iha ambiente armonia no ekilíbriu entre fiar no mantenek, hodi hatene respeitu sira nia an rasik, ema seluk no simu realidade moris hodi ikus mai bele sente Moromak nia domin no konsiente ba sira nia misaun iha sosiedade ida nebe globalizadu.

Ho ida ne’e mak bele ona oferese rekursu umanu ba nasaun no Uma Kreda. Tan ne’e Instituto Canossa esforsu an tomak atu forma lidaransa Canossiana ne’ebe hatene servi ba Maromak no Nasaun ka kostuma bolu dehan Canossian Servant Leadher (CSL). Liu husi formasaun ida ne’e, foinsae sira bele ona kompete hodi transforma situasaun sosial iha sosiedade no bele harí nasaun Timor-Leste iha ambiente justu no dezenvolvidu.

c  Misaun

IPDC nafatin sama tuir ain fatin Santa Madelena de Canossa ho nia misaun sira nebe afirma nanis ona atu servi ema hotu, mak hanesan.

Moto